និយ័តករអាជីវកម្មអចលនវត្ថុ និងបញ្ចាំ

និយ័តករអាជីវកម្មអចលនវត្ថុ (សរសេរកាត់ថា ន.អ.ប.) បំពេញមុខងារជាសេនាធិការឱ្យ អាជ្ញាធរសេវាហិរញ្ញវត្ថុមិនមែនធនាគារ (សរសេរកាត់ថា អ.ស.ហ.)។ ន.អ.ប. មានតួនាទី និងភារកិច្ចដូចខាងក្រោម៖ រៀបចំ និងអនុវត្តនូវគោលនយោបាយ យុទ្ធសាស្រ្ត និងផែនការសកម្មភាពនៃវិស័យអចលនវត្ថុ វិស័យបញ្ចាំ និងប្រាតិភោគដោយអនុប្បទាន ត្រួតពិនិត្យ និងតាមដានអនុលោមភាពនៃការអនុវត្តច្បាប់ និងបទប្បញ្ញត្តិពាក់ព័ន្ធនឹងវិស័យអចលនវត្ថុ វិស័យបញ្ចាំនិងប្រាតិភោគដោយអនុប្បទាន រៀបចំ ធ្វើបច្ចុប្បន្នភាព និងស្នើសុំការអនុម័តច្បាប់ និងបទប្បញ្ញត្តិពាក់ព័ន្ធសម្រាប់ការគ្រប់គ្រងវិស័យអចលនវត្ថុ វិស័យបញ្ចាំនិងប្រាតិភោគដោយអនុប្បទាន លើកកម្ពស់ការអប់រំ បណ្ដុះបណ្ដាល និងផ្សព្វផ្សាយដល់សាធារណជន ចូលរួមក្នុងកិច្ចសហប្រតិបត្តិការតំបន់ និងអន្តរជាតិ បង្កើត និងគ្រប់គ្រងមូលនិធិទ្រទ្រង់ និងអភិវឌ្ឍវិស័យអចលនវត្ថុនិងវិស័យបញ្ចាំ តាមការណែនាំរបស់រដ្ឋមន្រ្តីក្រសួងសេដ្ឋកិច្ចនិងហិរញ្ញវត្ថុ និងជាប្រធានក្រុមប្រឹក្សា អ.ស.ហ. គ្រប់គ្រង់ហិរញ្ញវត្ថុ និងបុគ្គលិករបស់ ន.អ.ប. សម្របសម្រួលការគ្រប់គ្រងធនធានមនុស្ស និងការរៀបចំថវិការបស់ ន.អ.ប. ជាមួយអគ្គលេខាធិការដ្ឋាន គ្រប់គ្រងទ្រព្យសម្បត្តិរដ្ឋដែលត្រូវបានបែងចែកឱ្យនៅក្រោម ន.អ.ប. និងរៀបចំបញ្ជីសារពើភ័ណ្ឌជូនអគ្គលេខាធិការដ្ឋាន អនុវត្តការងារផ្សេងទៀត តាមការណែនាំរបស់រដ្ឋមន្រ្តីក្រសួងសេដ្ឋកិច្ចនិងហិរញ្ញវត្ថុ និងជាប្រធានក្រុមប្រឹក្សា អ.ស.ហ.

nginx/1.18.0 (Ubuntu)